“नागोबा देवस्थान याञेत सास्कृतिक रंगत; लावणीने मंञमुग्ध केले प्रेक्षक”!
न.प.पाणीपुरवठा सभापती लिलाधर भरडकर यांच्या प्रमुख उपस्थिती
26/01/2026
*गडचिरोली*: तालुक्यातील मौजा *गोगाव येथील प्राचीन आणि भाविकांचे श्रद्धास्थान नागोबा देवस्थान यात्रेच्या निमित्ताने आयोजित “लई झक्कास लावणी” या भव्य सांस्कृतिक कार्यक्रमाचे उद्घाटन नगर परिषद गडचिरोलीचे पाणीपुरवठा सभापती मा. लिलाधर भरडकर यांच्या मार्गदर्शनाखाली उत्साहपूर्ण वातावरणात पार पडले. कार्यक्रमाच्या सुरूवातीला आयोजकांकडून सभापती भरडकर यांचे पुष्पगुच्छ देऊन हार्दिक स्वागत करण्यात आले.*
उद्घाटन प्रसंगी उपस्थित नागरिक आणि मान्यवरांना संबोधित करताना *मा. लिलाधर भरडकर यांनी सांगितले की, “अशा सांस्कृतिक कार्यक्रमांमुळे केवळ पारंपरिक लोककलेला चालना मिळत नाही, तर समाजात ऐक्य आणि सहकार्याची भावना देखील दृढ होते. स्थानिक कलाकारांना व्यासपीठ मिळणे आणि त्यांच्या कलेचे संवर्धन करणे हे आपले कर्तव्य आहे. नागोबा देवस्थान यात्रेच्या या कार्यक्रमामुळे धर्म, संस्कृती आणि समाज या तिन्ही अंगांनी परिपूर्ण अनुभव मिळतो.”*
कार्यक्रमात अभिजीत अडरकर यांच्यासह विविध क्षेत्रातील मान्यवर, पदाधिकारी तसेच परिसरातील मोठ्या संख्येने नागरिक उपस्थित होते. “लई झक्कास लावणी” या सादरीकरणाने उपस्थित प्रेक्षक मंत्रमुग्ध झाले आणि कार्यक्रमाच्या प्रत्येक क्षणी उत्सवाचे वातावरण जाणवले.
सभा संपन्न झाल्यावर मा. लिलाधर भरडकर यांनी आयोजकांचे कौतुक करत सांगितले की, “अशी कला, संस्कृती व परंपरा जपणे आणि पुढील पिढ्यांपर्यंत पोहोचवणे अत्यंत आवश्यक आहे. स्थानिक युवकांनी या प्रकारच्या उपक्रमांत सक्रीय सहभाग घ्यावा.”
या सांस्कृतिक कार्यक्रमामुळे नागोबा देवस्थान यात्रेला आणखी सजग व उत्साहपूर्ण स्वरूप मिळाले असून नागरिकांनी आणि भाविकांनी यशस्वी आयोजनाचे कौतुक केले.
