भाजप प्रदेशाध्यक्ष रविंद्र चव्हाण यांच्या मार्गदर्शनासाठी भाजपा पदाधिकाऱ्यांनी देसाईगंज जिल्हा बैठकिला उपस्थित राहावे: जिल्हाध्यक्ष रमेशजी बारसागडे
गडचिरोली जिल्ह्यातील संघटनात्मक कार्याचा घेणार आढावा; आगामी कार्यक्रमांच्या नियोजनावर होणार चर्चा
| दि. ११ ऑगस्ट २०२६
गडचिरोली: भारतीय जनता पार्टीचे महाराष्ट्र प्रदेशाध्यक्ष तथा आमदार मा. श्री. रविंद्रजी चव्हाण हे बुधवार, दि. १२ ऑगस्ट २०२६ रोजी गडचिरोली जिल्ह्याच्या दौऱ्यावर येत असून, दुपारी 3.00 वाजता सांस्कृतिक भवन, नगर परिषद, देसाईगंज (वडसा) येथे आयोजित करण्यात आलेल्या भाजपा जिल्हा बैठकीत उपस्थित राहून पक्ष पदाधिकाऱ्यांना मार्गदर्शन करणार आहेत.
गडचिरोली जिल्ह्यात भारतीय जनता पार्टीची संघटनात्मक बांधणी अधिक मजबूत करण्याच्या दृष्टीने ही बैठक महत्त्वपूर्ण मानली जात आहे. बैठकीमध्ये जिल्ह्यातील पक्ष संघटनेच्या कार्याचा आढावा घेण्यासोबतच आगामी पक्षीय कार्यक्रम, संघटनात्मक उपक्रम, पदाधिकारी व कार्यकर्त्यांची भूमिका तसेच पक्षाचा जनाधार अधिक व्यापक करण्याबाबत प्रदेशाध्यक्ष रविंद्रजी चव्हाण मार्गदर्शन करणार आहेत.
या बैठकीला भाजपा जिल्हाध्यक्ष रमेशजी बारसागडे यांच्यासह जिल्ह्यातील प्रमुख पदाधिकारी व लोकप्रतिनिधी उपस्थित राहणार आहेत. जिल्ह्यातील संघटनात्मक कामकाजाला अधिक गती देण्यासाठी तसेच आगामी काळातील पक्षाच्या विविध उपक्रमांचे प्रभावी नियोजन करण्यासाठी बैठकीत महत्त्वपूर्ण चर्चा होण्याची शक्यता आहे.
प्रमुख पदाधिकाऱ्यांची उपस्थिती अपेक्षित
या महत्त्वपूर्ण बैठकीस जिल्हाध्यक्ष, महामंत्री, आमदार, माजी खासदार, माजी आमदार, कोअर कमिटी सदस्य, जिल्हा पदाधिकारी, मंडल प्रभारी, पदवीधर नोंदणी प्रमुख (जिल्हा, विधानसभा व मंडल), SIR प्रमुख, पंचायत समिती प्रमुख, राष्ट्रीय, प्रदेश व जिल्हा पदाधिकारी, जिल्हा कोअर कमिटी सदस्य, मोर्चा जिल्हाध्यक्ष व महामंत्री, मंडल अध्यक्ष व महामंत्री, नगरपरिषद व नगरपंचायत सदस्य तसेच जिल्हा परिषदेचे माजी सदस्य आदी अपेक्षित पदाधिकाऱ्यांनी उपस्थित राहण्याचे आवाहन करण्यात आले आहे.
दुपारी ३ वाजताच उपस्थित राहण्याचे आवाहन
सर्व अपेक्षित पदाधिकाऱ्यांनी बुधवार, दि. १२ ऑगस्ट रोजी दुपारी ३.०० वाजता सांस्कृतिक भवन, नगर परिषद, देसाईगंज (वडसा) येथे उपस्थित राहावे, असे आवाहन भाजपा जिल्हाध्यक्ष रमेशजी बारसागडे यांनी केले आहे.
प्रदेशाध्यक्षांच्या उपस्थितीत होणाऱ्या या बैठकीमुळे गडचिरोली जिल्ह्यातील भाजपा संघटनेला नवी दिशा आणि आगामी राजकीय व संघटनात्मक वाटचालीला अधिक बळ मिळण्याची अपेक्षा व्यक्त केली जात आहे.
