गडचिरोली जिल्हाध्यक्ष रमेशजी बारसागडे यांच्याकडून भाजप-महायुतीचे अधिकृत उमेदवार अरुणजी लाखानी यांना विजयाच्या शुभेच्छा
आमदार डॉ. मिलिंद नरोटे यांच्यासह चंद्रपूर येथे सदिच्छा भेट; भव्य विजयाचा व्यक्त केला विश्वास
गडचिरोली: वर्धा-चंद्रपूर-गडचिरोली स्थानिक स्वराज्य संस्था विधानपरिषद निवडणुकीच्या पार्श्वभूमीवर राजकीय वातावरण चांगलेच तापले असताना भाजप-महायुतीचे अधिकृत उमेदवार आदरणीय श्री. अरुणजी लाखानी यांना चंद्रपूर येथे सदिच्छा भेट देत त्यांच्या आगामी निवडणुकीतील भव्य विजयासाठी मनःपूर्वक शुभेच्छा देण्यात आल्या.
यावेळी भाजपचे गडचिरोली जिल्हाध्यक्ष रमेशजी बारसागडे तसेच आमदार डॉ. मिलिंद नरोटे यांनी अरुणजी लाखानी यांचा पुष्पगुच्छ देऊन सत्कार केला. या भेटीदरम्यान महायुतीच्या विजयाबाबत विश्वास व्यक्त करण्यात आला तसेच स्थानिक स्वराज्य संस्थांच्या विकासासाठी आणि जनतेच्या हितासाठी सक्षम नेतृत्वाची गरज अधोरेखित करण्यात आली.
रमेशजी बारसागडे यांनी यावेळी बोलताना सांगितले की, महायुतीचे उमेदवार अरुणजी लाखानी यांना स्थानिक स्वराज्य संस्थांमधील पदाधिकाऱ्यांचा तसेच जनप्रतिनिधींचा मोठा पाठिंबा मिळत असून त्यांचा विजय निश्चित आहे. विकासाभिमुख विचारसरणी, संघटन कौशल्य आणि जनसंपर्काच्या बळावर महायुती या निवडणुकीत ऐतिहासिक यश संपादन करेल, असा विश्वास त्यांनी व्यक्त केला.
आमदार डॉ. मिलिंद नरोटे यांनीदेखील अरुणजी लाखानी यांच्या नेतृत्वगुणांचे कौतुक करताना वर्धा, चंद्रपूर आणि गडचिरोली या तीनही जिल्ह्यांमध्ये महायुतीची ताकद अधिक मजबूत झाल्याचे सांगितले. स्थानिक स्वराज्य संस्थांच्या माध्यमातून विकासाला गती देण्यासाठी आणि जनतेच्या अपेक्षा पूर्ण करण्यासाठी अरुणजी लाखानी यांचे नेतृत्व महत्त्वपूर्ण ठरेल, असे त्यांनी नमूद केले.
या सदिच्छा भेटीदरम्यान उपस्थित कार्यकर्त्यांमध्ये उत्साहाचे वातावरण पाहायला मिळाले. महायुतीच्या विजयाचा निर्धार व्यक्त करत सर्वांनी एकजुटीने निवडणूक लढविण्याचा संकल्प केला. आगामी विधानपरिषद निवडणुकीत भाजप-महायुतीचे उमेदवार अरुणजी लाखानी यांना विक्रमी मतांनी विजयी करण्यासाठी कार्यकर्त्यांनी पूर्ण ताकदीने कामाला लागण्याचा निर्धार व्यक्त केला.
“विकास, विश्वास आणि जनसेवेच्या बळावर महायुतीचा विजय निश्चित” असा विश्वास यावेळी उपस्थित नेत्यांनी व्यक्त केला.
