नगराध्यक्ष अॅड. प्रणोती सागर निंबोरकर यांची प्रमुख उपस्थिती ‘मन की बात’ कार्यक्रम उत्साहात; कार्यकर्त्यांना नवी प्रेरणा
गडचिरोली | प्रतिनिधी :
‘पंडित दीनदयाल उपाध्याय प्रशिक्षण महाअभियान २०२६’ अंतर्गत गडचिरोली शहर मंडळाच्या वतीने नगर भवन येथे आयोजित निवासी प्रशिक्षण शिबिराच्या दुसऱ्या दिवशी ‘मन की बात’ कार्यक्रम अत्यंत उत्साहपूर्ण आणि प्रेरणादायी वातावरणात पार पडला.
या कार्यक्रमाला गडचिरोलीच्या नगराध्यक्षा अॅड. प्रणोती सागर निंबोरकर यांची प्रमुख उपस्थिती लाभली. त्यांच्या उपस्थितीमुळे संपूर्ण सभागृहात उत्साहाचे वातावरण निर्माण झाले. कार्यकर्त्यांनी त्यांचे स्वागत करत कार्यक्रमात सक्रिय सहभाग नोंदविला.
कार्यक्रमादरम्यान पंतप्रधानांच्या ‘मन की बात’ कार्यक्रमाचे श्रवण करण्यात आले. त्यामध्ये मांडण्यात आलेले आत्मनिर्भर भारत, स्वच्छता अभियान, लोकसहभागातून विकास, नवकल्पना, तसेच समाजातील सकारात्मक बदल घडवून आणणाऱ्या व्यक्तींच्या कथा यावर उपस्थित कार्यकर्त्यांमध्ये सखोल चर्चा झाली. या विचारांनी प्रेरित होऊन कार्यकर्त्यांनी आपल्या कार्यपद्धतीत अधिक सकारात्मकता आणण्याचा आणि समाजाशी अधिक घट्ट नातं जोडण्याचा निर्धार व्यक्त केला.
प्रशिक्षण शिबिराच्या माध्यमातून कार्यकर्त्यांना संघटनात्मक कौशल्य, वैचारिक भक्कमपणा आणि नेतृत्वगुण विकसित करण्याचे मार्गदर्शन मिळत आहे. या प्रशिक्षणामुळे कार्यकर्त्यांमध्ये नवचैतन्य निर्माण होत असून आगामी काळात संघटन अधिक बळकट करण्यासाठी ही मोठी संधी असल्याचे मतही अनेकांनी व्यक्त केले.
कार्यक्रमाच्या यशस्वी आयोजनासाठी शहर मंडळातील पदाधिकारी आणि कार्यकर्त्यांनी विशेष परिश्रम घेतले. या प्रसंगी शहर मंडळातील सर्व पदाधिकारी, कार्यकर्ते, तसेच प्रशिक्षणार्थी मोठ्या संख्येने उपस्थित होते.
एकूणच, ‘मन की बात’ कार्यक्रमाने प्रशिक्षण शिबिराला एक वैचारिक उंची मिळवून दिली असून कार्यकर्त्यांना समाजकार्याच्या नव्या दिशा देण्याचे काम या कार्यक्रमातून झाले.
