भाजपा जिल्हाध्यक्ष प्रा. रमेश बारसागडे यांनी घेतले गणरायाचे दर्शन; सुरज गुंडमवार यांच्या निवासस्थानी सदिच्छा भेट
गणरायाच्या आरतीत भक्तिभावाने सहभाग; गुंडमवार परिवाराशी साधला स्नेहपूर्ण संवाद
गडचिरोली, दि. १८ सप्टेंबर २०२६ : गणेशोत्सवाच्या मंगलमय वातावरणात भारतीय जनता पार्टी गडचिरोलीचे जिल्हाध्यक्ष प्रा. रमेश बारसागडे यांनी भाजपा सोशल मीडिया जिल्हा संयोजक सुरज गुंडमवार यांच्या निवासस्थानी सदिच्छा भेट देऊन विराजमान श्री गणरायाचे भक्तिभावाने दर्शन घेतले. यावेळी त्यांनी गणरायाची पूजा-अर्चना केली तसेच आरतीमध्ये सहभागी होत श्री गणेशाचे आशीर्वाद घेतले.
गणेशोत्सवानिमित्त गुंडमवार परिवाराच्या वतीने घरगुती गणपतीची स्थापना करण्यात आली आहे. या पार्श्वभूमीवर प्रा. रमेश बारसागडे यांनी आवर्जून गुंडमवार यांच्या निवासस्थानी भेट दिली. सुरज गुंडमवार व त्यांच्या परिवाराच्या वतीने त्यांचे स्वागत करण्यात आले. त्यानंतर प्रा. बारसागडे यांनी श्री गणरायाचे दर्शन घेत आरतीमध्ये भक्तिभावाने सहभाग नोंदविला.
यावेळी श्री गणरायाच्या चरणी सर्वांच्या सुख-समृद्धी, उत्तम आरोग्य आणि मंगलमय भविष्यासाठी प्रार्थना करण्यात आली. आरती आणि गणपती बाप्पाच्या जयघोषाने संपूर्ण वातावरण भक्तिमय झाले होते.
आरतीनंतर प्रा. रमेश बारसागडे यांनी सुरज गुंडमवार व परिवारातील सदस्यांसोबत स्नेहपूर्ण संवाद साधला. गणेशोत्सवाच्या निमित्ताने झालेल्या या भेटीदरम्यान विविध सामाजिक व संघटनात्मक विषयांवरही अनौपचारिक चर्चा झाली.
याप्रसंगी रणछोडजी कलंत्री, नगरसेवक हर्षल गेडाम, भाजपा युवा मोर्चा शहर महामंत्री निखिल गुंडमवार यांच्यासह परिवारातील सदस्य व अन्य उपस्थितांनीही श्री गणरायाचे दर्शन घेत आरतीमध्ये सहभाग नोंदविला.
गणेशोत्सव हा श्रद्धा, भक्ती, एकोपा आणि आपुलकीचा उत्सव असून या निमित्ताने झालेल्या सदिच्छा भेटीमुळे उत्सवातील आनंद आणि भक्तिमय वातावरण अधिक खुलले. गुंडमवार परिवाराच्या वतीने प्रा. रमेश बारसागडे व उपस्थितांचे स्वागत करण्यात आले.
